80% suśvietnych zapasaŭ redkaziamielnych elemientaŭ prypadaje na šeść krain

Redkaziamielnyja elemienty (REEs) — kluč da sučasnych technałohij. Jany vykarystoŭvajucca ŭ mnohich śfierach ad elektramatoraŭ i vietravych turbin da smartfonaŭ i navihacyjnych sistem. Pa dadzienych U. S. Geological Survey, u 2025 hodzie ich suśvietnyja zapasy raźmierkavany vielmi nieraŭnamierna, piša Thinktanks.pro.

Fota ilustracyjnaje

Kitaj źjaŭlajecca absalutnym lidaram pa zapasach redkaziamielnych elemientaŭ. Jany aceńvajucca ŭ 44 miljony ton — amal pałova suśvietnaha abjomu (48%).

Na druhim miescy — Brazilija z 21 miljonam ton (23%), za joj iduć Indyja (6,9 miljona ton), Aŭstralija (5,7 miljona ton), Rasija (3,8 miljona ton) i Vjetnam (3,5 miljona ton).

Na hetyja 6 krain prypadaje kala 80% usich viadomych zapasaŭ.

Zapasy ZŠA aceńvajucca tolki ŭ 1,9 miljona ton (2% suśvietnaha abjomu), što robić krainu zaležnaj ad impartu hetaj syraviny. Ułady ZŠA aktyŭna padtrymlivajuć raźvićcio zdabyčy i šukajuć partnioraŭ dla dyviersifikacyi pastavak.

Ciapier źjaŭlajucca novyja hulcy ŭ Afrycy: Tanzanija (0,89 miljona ton) i PAR (0,86 miljona ton) mohuć stać važnymi krynicami pry raźvićci infrastruktury i pierapracoŭki.

Kamientary da artykuła