BIEŁ Ł RUS

U aeraporcie Vilni samalot vykaciŭsia za miežy pałasy

26.11.2025 / 15:30

Nashaniva.com

U Vilenskim aeraporcie za miežy ŭźlotna-pasadačnaj pałasy vykaciŭsia samalot polskaj avijakampanii LOT Polish Airlines, jaki ŭžo pryziamliŭsia. Papiarednie, nichto nie paciarpieŭ.

Samalot prybyŭ z Varšavy, piša LRT.

«Infarmujem, što siońnia a 13:43 samalot avijakampanii LOT, rejs LO771, jaki prybyŭ z Varšavy, padčas ruleńnia da stajanki źjechaŭ z uźlotna-pasadačnaj pałasy», — paviedamiŭ pradstaŭnik aeraportaŭ Litvy.

Na sajcie Flightradar24 bačna, što pavietranaje sudna znachodzicca ŭ paŭnočnaj častcy aeraporta Vilniusa. Pobač ź im stajać niekalki absłuhovych aŭtamabilaŭ, siarod ich — pažarnaja mašyna.

Pasažyraŭ vysadzili z samalota.

Čytajcie taksama:

Kamientary da artykuła