U žycharki Bresta skrali daražeznuju brendavuju sumačku. Prynamsi jana ŭ heta ščyra vieryła
Śviatkavańnie dnia naradžeńnia ŭ načnym kłubie dla 32‑hadovaj dziaŭčyny abiarnułasia niepryjemnaściami. Pieršaja ź jakich — kradziež sumki Louis Vuitton z bolš čym tryma tysiačami rubloŭ.
Jak vyśvietliłasia, žančyna zabyła sumku na łaŭcy kala načnoha kłuba, a viarnuŭšysia, vyjaviła jaje adsutnaść. Pa słovach paciarpiełaj, skradzienaja reč była nabytaja mužam u Paryžy ŭ firmovaj kramie luksavaha brenda za 3800 jeŭra.
Orhanam udałosia złavić padazravanych u kradziažy. Imi akazalisia mužčyna 1985 hoda naradžeńnia i dziaŭčyna 2003 hoda naradžeńnia. Maładyja ludzi paznajomilisia napiaredadni, tamu, pabačyŭšy pakinutuju sumku z hrašyma, pryšyli joj nohi. Častku hrošaj na momant zatrymańnia jany paśpieli patracić.
Razam z tym sumka była nakiravana va ŭpraŭleńnie Dziaržkamiteta sudovych ekśpiertyz pa Bresckaj vobłaści dla praviadzieńnia tavaraznaŭčaj ekśpiertyzy.
U chodzie daśledavańnia ekśpiert ustanaviŭ, što sumka z markirovačnymi abaznačeńniami Louis Vuitton nie źjaŭlajecca aryhinalnaj pradukcyjaj ukazanaj handlovaj marki. Košt vyrabu śpiecyjalisty acanili ŭ 101 rubiel.
Takaja navina stała niečakanaściu dla ŭładalnicy vyrabu.