Były prezident Estonii zasumniavaŭsia, što ŭ Rasii dajuć vosiem hadoŭ za pasty pra Buču. Jamu adkazaŭ były asudžany
Były prezident Estonii zasumniavaŭsia, što ŭ Rasii dajuć vosiem hadoŭ za pasty pra Buču.
Toomas Chiendryk Ilvies
«Kali nie brać u raźlik tvaje łajanki, sumniavajusia, što chto-niebudź atrymaŭ vosiem hadoŭ za pasty ŭ sacsietkach pra Buču. Ale my pryvykli da chłuśni. Liču, tvaje łajanki z-za admieny šmatrazovych viz — ciapier nie atrymajecca jeździć tudy-siudy biez novaj padačy, dysydent ty naš», — napisaŭ były prezident Estonii Toomas Chiendryk Ilvies u sacsietcy X u adkaz adnamu z karystalnikaŭ u dyskusii pra šenhienskija vizy dla rasijan, piša «Mieduza».
Ilviesu adkazaŭ Illa Jašyn, jakoha ŭ śniežni 2022 hoda abvinavacili ŭ raspaŭsiudzie «fejkaŭ» pra armiju z-za strymu pra Buču i asudzili na vosiem z pałovaj hadoŭ kałonii.
«O, sapraŭdy? Ty sumniaješsia? Cudoŭna!» — napisaŭ Jašyn.
Dopisy pra Buču ŭ sacsietkach nie raz stanavilisia padstavaj dla kryminalnych spraŭ. Naprykład, da vaśmi hadoŭ asudžanaja miedsiastra Volha Mieńšych, jakaja napisała dva pasty, adzin ź jakich byŭ pryśviečany hadavinie deakupacyi Bučy.