FSB zajaviła, što sarvała apieracyju Ukrainy pa ŭhonie MiH-31 dla nibyta pravakacyi na avijabazie NATO
Razmova pra źniščalnik MiH-31 z hipierhukavoj rakietaj «Kinžał», piša TASS sa spasyłkaj na Centr hramadskich suviaziaŭ FSB.
Ilustracyjnaje fota Wikimedia Commons
FSB śćviardžaje, što ŭkrainskaja i brytanskaja raźviedki płanavali zavierbavać rasijskich lotčykaŭ, paabiacaŭšy im try miljony dalaraŭ.
Pavodle viersii viedamstva, na suviaź z rasijskim lotčykam vyjšaŭ «supracoŭnik» rasśledavalnickaha vydańnia Bellingcat, jaki pradstaviŭsia Siarhiejem Łuhaŭskim.
Śćviardžajecca, što paśla hetaha Ukraina nibyta źbirałasia nakiravać źniščalnik «u rajon dysłakacyi najbujniejšaj u paŭdniova-ŭschodniaj Jeŭropie avijabazy NATO» ŭ Rumynii, dzie ŭ metach «maštabnaj pravakacyi» jon moh być źbity SPA NATO.
Siłaviki śćviardžajuć, što sarvali apieracyju ŭkrainskaj i brytanskaj raźviedak.