U Śvietłahorsku ŭ vadajomie vyłavili cieła mužčyny z 4,7 pramile
Trahiedyja adbyłasia ŭ kancy červienia. Miascovaja žycharka, prahulvajučysia pa bierazie raki Biarezina, zaŭvažyła ŭ vadzie cieła biez prykmiet žyćcia. Pra heta jana paviedamiła ŭ Śvietłahorski RAUS.
Dla ŭstanaŭleńnia dakładnaj pryčyny śmierci była pryznačana sudova-miedycynskaja ekśpiertyza. Vyniki paćvierdzili pieršapačatkovyja zdahadki — mužčyna ŭtapiŭsia. Niemałuju rolu ŭ hetym adyhrała ałkaholnaje apjanieńnie. Kancentracyja etanołu ŭ kryvi pamierłaha, pavodle dadzienych sudova-miedycynskaj chimičnaj ekśpiertyzy, skłała 4,7 pramile, paviedamlaje Dziaržkamitet sudovych ekśpiertyz.
Śpiecyjalisty źviartajuć uvahu, što ŭkazanaja kancentracyja adpaviadaje ciažkaj stupieni vostraj intaksikacyi.