Za napadami na miačeci ŭ Vialikabrytanii moža stajać sietka telehram-kanałaŭ, źviazanaja z Rasijaj
Pra suviaź adpaviednych resursaŭ z Rasijaj piša The Guardian sa spasyłkaj na rasśledavańnie arhanizacyi Hope not hate, jakaja zmahajecca z rasizmam i fašyzmam u Vialikabrytanii.
Fota: hopenothate.org.uk
Miarkujučy pa ŭsim, mienavita z hetymi telehram-kanałami źviazanaja chvala antyisłamskich hrafici, jakija źjavilisia na miačeciach i musulmanskich škołach na ŭschodzie i poŭdni Łondana ŭ pačatku lutaha.
U kanałach možna znajści instrukcyi ab tym, jak zrabić vybuchoŭku ŭ chatnich umovach i vyrabić zbroju na 3D-drukarcy. U ich abiacajuć uznaharody: 2500 funtaŭ sterlinhaŭ za padpał palicejskaj mašyny i 100 funtaŭ sterlinhaŭ — za videazapisy z vandalizmam miačeciaŭ.
Na asnovie hramatyčnych pamyłak i inšych detalaŭ Hope not hate pryjšła da vysnovy, što za kanałam stajać ludzi z Rasii.
«Pa papiarednich danych, miarkujučy pa ŭsim, heta rasijskaja apieracyja ŭpłyvu, jakaja ŭźnikła ŭ adkaz na biesparadki ŭ Vialikabrytanii ŭ sprobie adnavić hvałt lubymi dastupnymi mietadami», — havorycca ŭ spravazdačy.
Uletku 2024 hoda ŭ Brytanii pačalisia antyimihranckija pratesty i masavyja biesparadki. Padstavaj dla ich staŭ napad na tancavalnuju studyju ŭ Saŭporcie, u vyniku jakoha zahinuli try dziaŭčynki.
Čytajcie taksama:
Paśla zabojstva dziaciej u anhlijskim Saŭtparcie ŭspychnuli biesparadki, 39 palicejskich paranienyja