U Varoniežy z-za mabilizacyi pačalisia prablemy z hramadskim transpartam
Pra prablemy z haradskim transpartam u Varoniežy paviedamlaje miascovaje vydańnie «7ch7». U horadzie mabilizavali 62 kiroŭcaŭ aŭtobusaŭ, akramia taho, častku transpartu zabrali, kab vazić mabilizavanych na navučalnyja palihony.
Ciapier haradžanie i miascovyja ŚMI stali paviedamlać, što na linijach stała značna mienš transpartu, vyras i čas čakańnia ŭ hadzinu pik.
U meryi Varonieža paćvierdzili, što na paharšeńnie pracy transpartu ŭ tym liku paŭpłyvała mabilizacyja, adnak nie ličać heta asnoŭnym faktaram. Pa słovach čynoŭnikaŭ, na prablemu z transpartam paŭpłyvali deficyt kadraŭ, nizki košt prajezdu i ciažkaje finansavaje stanovišča pryvatnych pieravozčykaŭ, jakija pradajuć častku aŭtobusaŭ.