U Minsku trochhadovy chłopčyk vypaŭ z akna treciaha paviercha
U Minsku trochhadovy chłopčyk vypaŭ z akna treciaha paviercha, abapioršysia na maskitnuju sietku. Zdareńnie adbyłosia viečaram 7 žniŭnia.
Dzicia znachodziłasia doma sa svajoj maci, paviedamlaje SK.
Žančyna raspaviała, što jany jak raz viarnulisia z prahułki i nakiravalisia ŭ vannuju, kab pamyć ruki. Raptam dzicia pabiehła ŭ pakoj. Pavodle jaje słoŭ, usio adbyłosia za ličanyja siekundy.
Chłopčyk zalez na kanapu, a zatym na padakońnik, abapiorsia ab maskitnuju sietku i vypaŭ z adčynienaha akna treciaha paviercha,
Maci dziciaci adrazu vyklikała chutkuju miedycynskuju dapamohu. Chłopčyka advieźli ŭ balnicu.