Biełaruś i Rasiju vykinuli ź Mižnarodnaha sajuza čyhunak
2 sakavika Ministerstva infrastruktury Ukrainy nakiravała aficyjnyja listy ŭ 11 najbujniejšych i ŭpłyvovych arhanizacyj śvietu ŭ śfiery avijacyjnaha, marskoha, čyhunačnaha transpartu, a taksama budaŭnictva i turyzmu, paviedamlaje ŭkrainskaje viedamstva
Siońnia pastupiŭ aficyjny adkaz ad Mižnarodnaha sajuza čyhunak (UIC) ab adchileńni rasijskaj i biełaruskaj čyhunki ad udziełu ŭ arhanizacyi da viartańnia mirnaj situacyi va Ukrainie. UIC paviedamiŭ, što sočać za situacyjaj i vykazaŭ salidarnaść z ukrainskaj čyhunkaj u składanyja dla krainy časy.
Mižnarodny sajuz čyhunak (Union internationale des chemins de fer) — Suśvietnaja asacyjacyja handlova-ekanamičnaha supracoŭnictva pamiž asnoŭnymi subjektami mižnarodnaha čyhunačnaha siektara. Sajuz zasnavany ŭ 1922 hodzie, štab-kvatera znachodzicca ŭ Paryžy, členami UIC źjaŭlajucca 204 arhanizacyi.