U Pastaŭskim rajonie ad kavidu vakcynavałasia 102-hadovaja žančyna
Valancinie Ivanaŭnie Rybcovaj z pastaŭskich Łyntup praz try miesiacy spoŭnicca 103 hady.
Jana kaža, što za doŭhaje žyćcio chvareła mała. Mabyć, tamu što šmat pracavała, viała zdarovy ład žyćcia, prysłuchoŭvałasia da parad miedykaŭ, paviedamlajuć vitvesti.by.
Miedrabotniki Łyntupskaj palikliniki, papiarednie abśledavaŭšy pacyjentku i nie vyjaviŭšy supraćpakazańniaŭ, zrabili pryščepku. Niekalki dzion doktar Raman Łahunionak naziraŭ za žančynaj. Jak kaža siadziełka Valanciny Ivanaŭny, uskładnieńniaŭ doktar nie vyjaviŭ. Druhi etap vakcynacyi Valancina Rybcova projdzie zhodna z hrafikam — u listapadzie.