Cichanoŭskaja, Kaleśnikava i Capkała stali łaŭreatkami prestyžnaj niamieckaj premii
Premija imia Lva Kopieleva za mir i pravy čałavieka sioleta prysudžana pradstaŭnicam Biełarusi Śviatłanie Cichanoŭskaj, Maryi Kaleśnikavaj, Vieranicy Capkała, piša «Radyjo Svaboda».
Fota Nadziei Bužan
Anałahičnaj premijaj za 2020 hod, uručeńnie jakoj adkłali ŭ suviazi z pandemijaj, adznačać rasijskuju medyjaarhanizacyju «OVD-Info» i asudžanaha historyka Juryja Dźmitryjeva. Abjadnanaja cyrymonija projdzie anłajn, pra datu arhanizatary paviedamiać dadatkova.
U anatacyi ŭznaharody adznačajecca, što Śviatłana Cichanoŭskaja, Maryja Kaleśnikava i Vieranika Capkała «ź vielizarnaj mužnaściu viaduć palityčnuju i asabistuju baraćbu za demakratyju i suprać falsifikacyi prezidenckich vybaraŭ u Biełarusi», staŭšy tvarami mirnaha pratestu ŭ Biełarusi.