Capkała: Chaj Łukašenka zastaniecca sa śvinkami i karoŭkami, chaj kavuny źbiraje i miachi bulby ŭ Kreml nosić
Fota Nadziei Bužan
Pra heta patencyjny kandydat u prezidenty raspavioŭ na sustrečy ŭ Mahilovie, piša Tut.by.
«Ja liču, što my pavinny prosta pieraharnuć staronku i pakinuć Łukašenku tam, dzie jon znachodzicca. A mienavita — u historyi, u hetych tradycyjnych sielskich układach, u tym, što jamu padabajecca: śvinki tam, karoŭki, ekałahična čystaje małako. Kavuny jon źbiraje, pa 4 miachi bulby ŭ Kreml prynosić. Kali łaska, niachaj hetym zajmajecca ŭ adnoj z rezidencyj. Chaj žyvie hetym, tamu što vidać ža, što jon robić heta ź vializnym azartam. A my paviadziem Biełaruś napierad — u budučyniu», — adkazaŭ Valeryj Capkała.