«Hazprom» źnizić ceny na haz dla Polščy
Fota Nadziei Bužan
Umovy pastavak rasijskaha hazu ŭ Polšču buduć pierahledžany z sakavika. «Hazprom» prymusiła źnizić ceny na haz paraza ŭ Stakholmskim arbitražy, havorycca ŭ paviedamleńni na sajcie polskaj PGNiG.
Apieratar paćvierdziŭ, što abaviazacielstva «Hazproma» adpaviadaje jaho čakańniam z nahody vykanańnia rašeńnia suda, jakoje było vyniesiena 30 sakavika hetaha hoda.
Razam z tym arbitraž taksama pastanaviŭ, što rasijskaja kampanija vinnaja 1,5 miljarda dalaraŭ za zanadta vysokija ceny na pastaŭki z 1 studzienia 2014 hoda. Sudovaje raźbiralnictva pa hetaj nahody doŭžyłasia z 2015 hoda.
Raniej u «Hazpromie» admaŭlalisia aceńvać sumu budučych vypłat, spasłaŭšysia na toje, što vyvučajuć rašeńnie. U Polščy, u svaju čarhu, nie vyklučajuć, što zapatrabujuć aryštavać aktyvy hazapravodaŭ «Paŭnočny patok» i «Paŭnočny patok-2» u košt vykanańnia rašeńnia.