Małady deputat-kamunist Kliševič raskazaŭ, što takoje dla jaho suvierenitet
U kułuarach pałaty pradstaŭnikoŭ karespandent «Našaj Nivy» pahavaryŭ z deputatam Pałaty pradstaŭnikoŭ ad BRSM, Siarhiejem Kliševičam.
My spytalisia ŭ maładoha kamunista, što takoje dla jaho suvierenitet, zrabiŭšy adsyłku da razmovaŭ u hramadstvie ab toj niebiaśpiecy, jakuju ciapier adčuvaje Biełaruś z boku Rasii.
«Suvierenitet — heta kali my sami vyznačajem, u jakim kirunku my budziem ruchacca: u kirunku intehracyi ci dezyntehracyi, — skazaŭ Kliševič. — Suvierenitet va ŭsim śviecie kaštoŭnaść, jon zavajoŭvajecca. I dla nas heta vialikaja kaštoŭnaść, jakuju treba bierahčy i canić i vielmi ŭvažliva stavicca da niejkich karektyrovak suvierenitetu. Čamu? Bo zachavać suvierenitet — heta zachavać našu krainu, hranicy, tradycyi, historyju, pieradać naščadkam.
Čyrvonyja rysa intehracyi ŭ tym, što kali my sami pierastaniem prymać rašeńni ŭ našaj krainie, to heta ŭsio, heta niedapuščalna, heta nie dziaržava ŭžo. Ja dumaju, nichto hetaha nie dapuścić».