Pa-biełarusku vyjšaŭ pieršy tom sahi pra Viedźmara Andžeja Sapkoŭskaha
U kancy kastryčnika ŭ vydaviectvie «Januškievič» vyjšaŭ doŭhačakany pieršy tom sahi pra Hieralta z Ryvii — suśvietnaviadomaj sahi «Viadźmar» Andžeja Sapkoŭskaha. Doŭhačakany, tamu što kraŭdfandynhavaja kampanija dla tych, chto chacieŭ atrymać knihu trochi raniej, čym jana źjavicca ŭ kniharniach, skončyłasia daterminova.
Limitavanaja kolkaść asobnikaŭ (200 adzinak) była zamoŭlena mienš čym za miesiac, a sam kraŭdfandynh sabraŭ 508% ad zapłanavanaj sumy.
Dla tych, chto nie paśpieŭ kupić pa pieradzamoŭnaj canie, zaraz na sajcie vydaviectva možna nabyć knihu z 4% źnižkaj.
Heta pieršaje licenzijnaje vydańnie polskaha piśmieńnika, vydańnie zroblena vielmi jakasna, u ćviordaj vokładcy, nadrukavana ŭ Litvie. U płanach vydaviectva vypuskać pa 1—2 knihi sahi za hod, nastupny tom vyjdzie u druhoj pałovie 2020 hoda.