U Mahilovie zatrymali čynoŭnika z upraŭleńnia architektury
Hałoŭny śpiecyjalist upraŭleńnia architektury i horadabudaŭnictva Mahiloŭskaha harvykankama zatrymany za chabar, paviedamlaje MUS.
Čynoŭnik abvinavačvajecca ŭ atrymańni chabaraŭ za lehalizacyju abjektaŭ samavolnaha budaŭnictva.
U listapadzie i śniežni 2018 hoda 63-hadovy čynoŭnik niezakonna vydaŭ indyvidualnym pradprymalnikam zaklučeńni ab pryniaćci ŭ ekspłuatacyju samavolnych pabudoŭ. Za heta jon atrymaŭ chabary na ahulnuju sumu $1,4 tysiačy dalaraŭ.
Raspačali kryminalnuju spravu pa art.430 KK Biełarusi (atrymańnie chabaru), abstaviny vyśviatlajucca.
Ustanoŭlena, što «klijentaŭ» dla čynoŭnika znachodziła jaho 33-hadovaja znajomaja — kamiercyjny dyrektar firmy ŭ śfiery nieruchomaści, a ŭ minułym — pracaŭnik ahienctva pa dziaržaŭnaj rehistracyi i ziamielnym kadastry. Za svaje pasłuhi jana atrymlivała častku ŭznaharodžańnia. Pasrednicu apieratyŭniki zatrymali raniej za padbuchtorvańnie biznesmienaŭ da davańnia chabaru. Suprać jaje taksama raspačali kryminalnuju spravu.