Uviesnu ŭ parkach Horkaha i Čaluskincaŭ zapracuje novaja płaciežna-prapusknaja sistema
Ź viasny 2019 hoda ŭ parkach Horkaha i Čaluskincaŭ pačnie pracavać aŭtamatyzavanaja płaciežna-prapusknaja sistema. Pra heta paviedamiŭ hiendyrektar UP «Minskzialonbud» Ihar Kušniarevič, pišuć «Minsk-Naviny»
— U parku Čaluskincaŭ nieabchodnaje abstalavańnie ŭžo zmanciravana, zaraz rychtujecca akt uvodu. U parku Horkaha prystupili da ŭstanoŭki sistemy i pavinny vykanać raboty da kanca 2018-ha. Viasnoj 2019-ha novaja płaciežna-prapusknaja sistema pačnie funkcyjanavać u abodvuch parkach, — skazaŭ Kušniarevič.
Paśla zapusku sistemy ŭvachod na atrakcyjony budzie ažyćciaŭlacca praz turnikiety sa sčytvalnych pryład. Zamiest raniejšych čekaŭ naviedvalniki buduć kuplać u kasach adnarazovyja kvitki sa štrychkodam abo karty, jakija možna budzie papaŭniać. Čakajecca taksama, što apłacić naviedvańnie atrakcyjonaŭ možna budzie praź internet. Mahčyma, u pierśpiektyvie sčytvalnyja pryłady na turnikietach zmohuć raspaznavać štrychkody na smartfonach i prapuskać na karusieli pa ich.