Łukašenka abyhraŭ Litvu na Parłamienckaj asamblei ABSIE
Vilni nie ŭdałosia pryniać rezalucyju z krytykaj budaŭnictva AES u Astraŭcy na Parłamienckaj asamblei ABSIE, što prachodzić u Minsku.
Prapanovu źniać prajekt rezalucyi z paradku dnia padaŭ šviedski sacyjał-demakrat Kient Harsted. 20 krainaŭ padtrymali jaho prapanovu, 29 ustrymalisia, a 8 hałasavali suprać na pasiedžańni Stałaha kamiteta, jaki zaćviardžaje paradak dnia.
Kiraŭnik litoŭskaj delehacyi nazvaŭ prapanovu šviedaŭ «adčuvalnym udaram ad partnioraŭ», paviedamlaje ahienctva BNS.
«Łukašenka abyhraŭ Litvu na Parłamienckaj asamblei ABSIE», — tak u siabie ŭ fejsbuku adkamientavaŭ hety fakt žurnalist Andžej Pačobut.
Harsted uznačalvaje kamisiju PA ABSIE pa Biełarusi. Jak i mnohija sacyjał-demakraty, jon taksama byŭ zaŭvažany ŭ miakkim staŭleńni da Rasii.