Novaja partyja Ukrainy: «My adnovim i madernizujem jadzierny arsienał»
Na źjeździe novaj ukrainskaj palityčnaj siły — partyi «Nacyjanalny korpus» — u jakaści adnoj z prahramnych met arhanizacyi było nazvana adnaŭleńnie bajavoha atamnaha patencyjału Ukrainy.
Z prezientacyjaj prahramy partyi vystupaŭ Dźmitro Kucharčuk, kiraŭnik «Cyvilnaha korpusa Azoŭ» — hramadskaj arhanizacyi, jakaja rodnasnaja pałku Nacyjanalnaj hvardyi «Azoŭ».
dsnews.ua
«Suśvietnaja supolnaść zdradziła Budapiešckamu miemarandumu, jany zdradzili nam… Jeŭrapiejski Sajuz i ZŠA pakazali svaju niazdolnaść, pasiŭnaść, biazdarnaść pierad realnaj pahrozaj», — skazaŭ vystupoŭca.
«My stvorym ułasny sajuz — z Polščaj, Litvoj, Łatvijaj, Estonijaj i ź inšymi krainami, jakija nam blizkija pa historyi i kultury. Heta budzie sajuz ad Bałtyjskaha da Čornaha mora. Jaki zmoža pastajać za siabie na vajennaj i palityčnaj arenie», — dadaŭ jon.
«Pierš za ŭsio my adnovim i madernizujem jadzierny arsienał Ukrainy», — zajaviŭ Kucharčuk, spasyłajučysia na toje, što tolki atamnaja zbroja budzie harantyjaj ad mahčymaj ahresii.
Hetuju zajavu zał sustreŭ vopleskami.
Kiraŭnik CK «Azoŭ» taksama paviedamiŭ pra płany adnaŭleńnia ŭkrainskaj pramysłovaści ŭ avijacyjnaj i rakietnaj halinie.
Prapanujecca taksama padzialić armiju na prafiesijna-kantraktnuju častku, jakaja budzie vajavać na froncie, i armiju abarony Ukrainy, jakaja budzie farmiravacca i dziejničać pa terytaryjalnym pryncypie.
Taksama ahučanaja ideja stvareńnia ŭkrainskaha Zamiežnaha Lehijona dla dziejańniaŭ za miežami Ukrainy.