Sinoptyki: Paciapleńnie budzie niadoŭhim, u pačatku nastupnaha tydnia ŭ Biełarusi znoŭ pachaładaje
Ciopłaje nadvorje z karotkačasovymi daždžami čakajecca ŭ Biełarusi ŭ vychodnyja, paviedamiła hałoŭny sinoptyk Śviatłana Rybakova.
«Vierasień raźvitajecca z nami ciopłym nadvorjem. (…) Na źmienu chałodnamu pavietru paŭnočnych šyrot pryjdzie ciopłaja pavietranaja masa z Zachodniaj Jeŭropy», — raspaviała sinoptyk.
U piatnicu pa paŭnočnaj častcy krainy projduć karotkačasovyja daždžy. Nočču i ranicaj miescami zhuścicca słaby tuman. Viecier čakajecca paŭdniova-zachodni ŭmierany, dniom paryvisty, u asobnych rajonach Viciebskaj vobłaści paryvy mohuć dasiahać 15—18 m/s. Tempieratura pavietra ŭnačy składzie ad 8 da 14 hradusaŭ, u dzionnyja hadziny pavietra prahrejecca da 17—23 hradusaŭ.
U hetyja vychodnyja nas čakaje ciopłaje nadvorje.
Na terytoryju Biełarusi praciahnie pastupać ciopłaje vilhotnaje pavietra z Zachodniaj Jeŭropy. U subotu i niadzielu miescami projduć karotkačasovyja daždžy. Nočču i ranicaj u asobnych rajonach čakajecca tuman. Tempieratura pavietra ŭnačy budzie znachodzicca ŭ miežach 8—14 hradusaŭ, dniom składzie ad 16 da 23, miescami pa Homielskaj i Bresckaj abłaściach pavietra prahrejecca da 25 hradusaŭ.
Adnak paciapleńnie budzie niepraciahłym, na nastupnym tydni znoŭ pachaładaje.
«U pačatku tydnia terytoryja Biełarusi apyniecca pad upłyvam aktyŭnych atmaśfiernych frantoŭ z Zachodniaj Jeŭropy, jakija vyciaśniać ciapło za miežy krainy», - adznačyła Śviatłana Rybakova.
3 i 4 kastryčnika na bolšaj častcy terytoryi čakajucca karotkačasovyja daždžy. Tempieratura pavietra ŭ paniadziełak składzie ad 8 da 14 hradusaŭ, dniom — ad 14 da 19, a pa paŭdniovym uschodzie krainy pavietra paśpieje prahrecca da 20-23 hradusaŭ.
U aŭtorak stanie chaładniej: tempieratura panizicca da 5—12 hradusaŭ, a dniom składzie ad 10 da 17 ciapła.