Chłopca, jakoha padazrajuć u napadzie na nastaŭnicu, viarnuli ŭ SIZA
Himnazist, jakoha padazrajuć u napadzie na nastaŭnicu ruskaj movy, prajšoŭ psichołaha-psichijatryčnuju ekśpiertyzu i ciapier znachodzicca ŭ SIZA na Vaładarskaha.
Pra heta paviedamlaje krynica, blizkaja da Jeŭraradyjo. Adnakłaśniki pišuć jamu listy, praŭda, adkazu pakul nie atrymali. Listy prychodziać tolki baćkam chłopca, u jakich jon pieradaje pryvitańni siabram.
Zhodna ź infarmacyjaj krynicy, u bližejšy čas D. musiać vystavić abvinavačvańnie. Taksama viadoma, što nastaŭnica źbirajecca praciahnuć pracu ŭ škole. Adnak paćvierdzić ci asprečyć źviestki dyrektar himnazii Alaksandra Ujunova admaŭlajecca:
«My nie dajom kamientaryi pa telefonie. I prychodzić da nas nie treba».
Nahadajem, zdareńnie adbyłosia 23 traŭnia ŭ staličnaj himnazii №74. Pa viersii śledstva, 16-hadovy D. udaryŭ nastaŭnicu nažom. Žančyna była dastaŭlena ŭ adździaleńnie reanimacyi. Ciapier jaje stan stabilny. Adnakłaśniki, ich baćki, nastaŭniki i trenier stanoŭča charaktaryzujuć chłopca.