Anžalika Ahurbaš pradała apartamienty ŭ Drazdach za $435 tysiač
Partał Realt.by apublikavaŭ rejtynh samych darahich kvater, jakija byli pradadzienyja ŭ Minsku ad pačatku hoda.
Na druhim miescy apynułasia ŭhoda Śviatłany Aleksijevič. Nahadajem, Nobieleŭskaja łaŭreatka nabyła za $325 tysiač apartamienty ŭ «domie Čyža».
Chto ž staŭ lidaram? Dvuchpaviarchovaja kvatera na vulicy Pijanierskaj u Drazdach, pradadzienaja za $435 tysiač. Płošča elitnaha žylla — 212,3 m2. Takim čynam, kvadratny mietr u im kaštavaŭ $2050, uhoda była zarehistravanaja ŭ lutym.
Jak stała viadoma «Našaj Nivie», novym haspadarom staŭ bankir z Kazachstana. A voś pradavała kvateru śpiavačka Anžalika Ahurbaš.