Janukovič asabista prymaŭ rašeńnie ab razhonie Majdanu ŭ Kijevie
Rašeńnie ab siłavym razhonie akcyi pratestu na Majdanie Niezaležnaści ŭ Kijevie ŭ noč z 29 na 30 listapada 2013 h. prymaŭ były prezident Ukrainy Viktar Janukovič.
Pra heta zajaviŭ padčas bryfinhu načalnik upraŭleńnia śpiecyjalnych rasśledavańniaŭ Hałoŭnaha śledčaha ŭpraŭleńnia Hienieralnaj prakuratury Ukrainy Siarhiej Harbaciuk.
«Ustanoŭleny arhanizatary, jakija ździajśniali hetaje złačynstva. Jak ustanoŭlena śledstvam, niepasredna rašeńnie ab razhonie Majdanu i mienavita siłavy sposab takoha ažyćciaŭleńnia prymałasia niepasredna byłym prezidentam krainy. Daručeńnie na realizacyju hetaha płana było dadziena byłomu ministru ŭnutranych spraŭ Ukrainy Zacharčanku i sakrataru rady nacyjanalnaj biaśpieki i abarony Ukrainy Klujevu. Jany, u svaju čarhu, daručyli vykanańnie i arhanizacyjnyja mierapryjemstvy pa vykanańniu hetaha płana kožny ŭ svajoj častcy namieśniku sakratara RNBA Siŭkoviču, kiraŭniku kijeŭskaj milicyi Karaku i staršyni Kijeŭskaj hardziaržsadministracyi Papovu. Pa linii milicyi niepasredna razhon hetaha Majdana byŭ daručany i ažyćciaŭlaŭsia śpiecpadraździaleńniem «Bierkut» kijeŭskaj milicyi», - paviedamiŭ jon.