Adnapołyja šluby lehalizavanyja pa ŭsich Złučanych Štatach
Šlub staŭ zakonnym ŭ niezaležnaści ad połu i seksualnaj aryjentacyi.
Fota: CBS
Viarchoŭny sud ZŠA pryznaŭ prava lubych ludziej na šlub u niezaležnaści ad połu i seksualnaj aryjentacyi, paviedamlaje Vox.
Adnapołyja šluby pryznanyja lehalnymi pa ŭsich štatach, navat u tych 13 štatach, dzie na siońnia byli zabaronienyja.
Sud spasłaŭsia na 14 papraŭku da Kanstytucyi ZŠA, što była pryniataja ŭ 1868 hodzie i kaža ŭ tym liku ab zabaronie štatam pazbaŭlać ludziej pravoŭ albo svabod inakš jak pa rašeńni sudu.
U 1996 hodzie prezidentam Biłam Klintanam byŭ padpisany fiederalny zakon ZŠA «Pra abaronu šlubu», jaki apisvaŭ šlub vyklučna jak pravavy sajuz mužčyny i žančyny i zabaraniaŭ pryznavać šlub ludziej adnoha połu.
Pieršym štatam, što dazvoliŭ adnapołyja šluby, staŭ Masačusets u 2004 hodzie, za im ciaham 10 hod paśledavała bolšaja častka štataŭ. Prezident Barak Abama staŭ pieršym u historyi dziejnym prezidentam ZŠA, jaki adkryta padtrymaŭ adnapołyja šluby.
{POLL#409}