Pamior viadomy litoŭski dysident Alhirdas Patackas
Delfi.lt
Paśla praciahłaj i ciažkaj chvaroby pamior člen siejma Litvy, dysident savieckich časoŭ i sihnatar Akta ab adnaŭleńni niezaležnaści Litvy 11 sakavika 1990 h. Alhirdas Patackas. Jamu byŭ 71 hod.
Alhirdas Patackas naradziŭsia ŭ 1943 hodzie, padčas Druhoj suśvietnaj vajny, ŭ Trakai (Troki), ale zaŭsiody nazyvaŭ siabie kaŭnascam — u hetym horadzie jon atrymaŭ inžyniernuju adukacyju i pracavaŭ asnoŭnuju častku svajho žyćcia.
U hady savieckaj akupacyi rana pačaŭ vyvučać kulturu bałtaŭ i litoŭski falkłor, udzielničaŭ u pachodach i ekśpiedycyjach, u padpolli źbiraŭ pieśni litoŭskich partyzan, jakija zmahalisia z savieckaj akupacyjaj.
U 26 hadoŭ jon staŭ aśpirantam Akademii navuk, adnak paźniej vymušany byŭ admovicca ad navukovaj pracy dziela padpolnaj dziejnaści, jakaja asabliva aktyvizavałasia paśla samaspaleńnia Romasa Kałanty ŭ imia svabody Litvy ŭ 1972 u Kaŭnasie.
Takaja była dylema: ci ty čałaviek, ci anuča? Abo zaciahnie heta bałota, abo… Bo paśla vajny mužčyny pakłali svaje žyćci, u lasy syšli — tak čym ža ja ryzykuju? Što dysiertacyju nie napišu?
U zamiežža nie puściać? Kali ja b «zaloh na dno», to tady b pačuvaŭsia lepš? Byŭ taki saviecki dabrabyt, možna było atrymać čarhu na «Žyhuli», i kvateru davali … Ale što budzie tady? Bačyš, jak z usich bakoŭ ciahnie zło, jak rasijcy ździekujucca z tvajho naroda, z tvajoj ajčyny…», — kazaŭ Patackas u intervju 2010 hoda.
Prezident Litvy Dala Hrybaŭskajcie akcentavała, što Patackas byŭ «śmiełaj i vyklučnaj asobaj, bieź jakoj ciažka było ŭjavić šlach niezaležnaści Litvy».