Makiej: Biełaruś vystupaje za ŭklučeńnie Rasii va «Uschodniaje partniorstva»
Ab hetym zajaviŭ ministr zamiežnych spraŭ Biełarusi Uładzimir Makiej siońnia paśla sumiesnaha pasiadžeńnia kalehij MZS Biełarusi i Rasii.
«Biełaruś pradoŭžyć vystupać za toje, kab Rasija była ŭklučana ŭ hetu inicyjatyvu, pierš za ŭsio ŭdzielničała ŭ realizacyi rehijanalnych prajektaŭ», - rastłumačyŭ Uładzimir Makiej.
Jon taksama paviedamiŭ, što siońnia biełaruski i rasijski baki abmierkavali ŭ Minsku padychody raboty na placoŭcy ABSIE, a taksama ź ES. Akramia taho, razmova išła ab 70-hodździ Pieramohi ŭ Vialikaj Ajčynnaj vajnie, ab rabocie z suajčyńnikami za miažoj.
Padpisany płan kansultacyj pamiž MZS na 2015 hod, jaki praduhledžvaje davoli nasyčanuju rabotu. Płanujecca kala 20 sustreč pa samym šyrokim kole pytańniaŭ.