Biełaruskija desantniki voźmuć udzieł u vučeńniach u Rasii
Siońnia z aeradroma Mačuliščy ŭ Krasnadarski kraj adpravilisia kala dvuch dziasiatkaŭ vajennasłužačych adnaho z padraździaleńniaŭ 38-j hvardziejskaj asobnaj mabilnaj bryhady.
Ab hetym havorycca ŭ śviežym numary aficyjnaha vydańnia Minabarony Biełarusi «Biełorusskaja vojennaja hazieta. Vo słavu Rodiny».
Vajskovy kantynhient biełaruskich sił śpiecyjalnych apieracyj prymie ŭdzieł u bataljonnym taktyčnym vučeńni pavietrana-desantnych vojskaŭ Uzbrojenych Sił Rasii, jakoje projdzie z 2 pa 5 vieraśnia na vučebna-trenirovačnym palihonie Rajeŭski niepadaloku ad Novarasijska.
Bresckim desantnikam sumiesna z rasijskimi kalehami treba budzie adpracavać pytańni padrychtoŭki abarony i viadzieńnia abarončaha boju ŭ roznych umovach na nieznajomaj miascovaści (raŭninnaj i horna-lasistaj), a taksama praktyčnaha desantavańnia asabovaha składu roznymi sposabami z samalotaŭ vajenna-transpartnaj avijacyi i arhanizacyi ŭzajemadziejańnia z frantavoj avijacyjaj. Akramia taho, na vučeńni buduć vykarystany novyja sposaby kiravańnia vojskami z prymianieńniem kompleksu ASK «Andramieda-D».