Ministr kultury: Kančytu nie zaprasili na «Słavianski bazar», bo sioleta 70 hadoŭ vyzvaleńnia Biełarusi
Ministr kultury Barys Śviatłoŭ patłumačyŭ u efiry «Biełaruś-1», čamu nasupierak tradycyi na «Słavianski bazar» nie była zaprošanaja pieramožca «Jeŭrabačańnia» Kančyta Vurst.
«Va ŭsich jość svaje pryncypy i svaje kryteryi. Ja chaču nahadać, što ŭ nas asnoŭny pafas, asnoŭny kanceptualny stryžań «Słavianskaha bazara» sioleta byŭ źviazany z 70-hodździem vyzvaleńnia Biełarusi. I naturalna, što niejkija zališnie epatažnyja šou nie pavinny prahučać. Jość krajnaści, jakich treba paźbiahać. Tamu heta było kanceptualnaje rašeńnie, i ja dumaju, jano było słušnym»,
— rastłumačyŭ jon.