Tadevuš Kandrusievič zaklikaŭ chryścijan da adzinstva
19 krasavika, napiaredadni Vialikadnia, u chramach prachodziać pieradśviatočnyja nabaženstvy, aśviačajucca vielikodnyja stravy. Mitrapalit Minska-Mahiloŭski arcybiskup Tadevuš Kandrusievič siońnia ŭ niekalkich parafijach Minska i Rakava (Vałožynski rajon, Minskaja vobłaść) pamaliŭsia ź viernikami i błasłaviŭ ježu na śviatočny stoł.
«Vialikdzień — najvialikšaje śviata ŭsich chryścijanaŭ, — skazaŭ mitrapalit. — U hetym hodzie ŭvieś chryścijanski śviet adznačaje jaho ŭ adzin dzień — i kataliki, i pravasłaŭnyja, i pratestanty — i heta vialikaja radaść. Isus Chrystos pierad śmierciu na kryžy zaklikaŭ da adzinstva. Jon viedaŭ, što budzie padzieł, a padzieł — heta sprava ruk złoha ducha. My pavinny być adzinyja, asabliva siońnia, kali śviet pieražyvaje kryzis viery. My pavinny razam abviaščać praŭdu Jevanhiella, razam abaraniać chryścijanskija karani i kaštoŭnaści. a śviata Vialikadnia jak raz źjaŭlajecca padmurkam viery, jano pavinna stać častkaj našaha žyćcia, a nie tolki uspaminam pra daŭnija padziei historyi».