Miranovič: Chočacca pieramahčy ŭpieršyniu za 25 hadoŭ

23.05.2013 / 14:24

nn.by

U subotu, 25 maja, handbolny SKA ŭ matčy ŭ adkaz finału Kubka vykliku sustreniecca na «Minsk-Arenie» ź luksiemburhskim «Ešam».
U vyjaznym matčy 18 maja SKA pieramoh u haściach — 31:26.

Z nahody budučaha pajadynku kłub arhanizavaŭ śpiecyjalnuju pres-kanfierencyju z udziełam niaźmiennaha treniera Spartaka Piatroviča Mironaviča. U pres-kanfierencyi ŭziali taksama ŭdzieł hulcy Barys Puchoŭski i Ivan Mackievič i dyrektar kłuba Pavieł Hałkin.

«Usie razumiejuć, što kubkavaje supraćstajańnie ŭklučaje dva pajadynki. A ŭ nas jość tradycyja vystupać u haściach lepš, čym doma. Tamu ŭ nas prysutničaje nievialikaja tryvoha.

Chaciełasia b vyjhrać trafiej ŭpieršyniu amal za 25 hadoŭ.

U kamandy ź Luksiemburha całkam narmalny ŭzrovień. Čakajem hulni…», — cytuje Spartaka Miranoviča Priessboł.

«Jak možna hulać, kali nie stavić pierad saboj vialikich zadač?

Viadoma, možna žyć u kuratniku i hetym abmiažoŭvacca. Ale ŭ kamandzie vydatnaja atmaśfiera, jość šmat maładych chłopcaŭ i starejšych hulcoŭ z dośviedam. Miarkuju, my ruchajemsia pravilna», — skazaŭ Pavieł Hałkin.

Matč SKA — «Eš» projdzie ŭ subotu, 25 maja, na «Minsk-Arenie». Pačatak a 18-j. Cana kvitkoŭ 25 000 — 30 000 rubloŭ,

ich možna nabyć praz ticketpro.by

Minski SKA byŭ šaścirazovym čempijonam SSSR i piać razoŭ pieramahaŭ u jeŭrakubkach, apošni raz u 1990 h.

Taksama ŭ sieradu, 29 maja, na «Minsk-Arenie» adbudziecca matč za załatyja miedali handbolnaha čempijanatu Biełarusi pamiž SKA i «Dynama». Pačatak a 19-j.

SKA byŭ dziesiacirazovym čempijonam Biełarusi, ale apošni raz zołata zavajoŭvaŭ u 2002 h. Kab stać zaraz čempijonam, patrebna tolki pieramoha. «Dynama» — čempijonu ŭ 2009—2012 hh., dastatkova ničyjoj.

Čytajcie taksama:

Kamientary da artykuła