U Minsku źjavicca jašče adzin dvuchpaviarchovy aŭtobus Minsk City Tour
Tady ž źjaviacca i novyja maršruty pa Minsku.
Niezvyčajny dvuchpaviarchovy turystyčny aŭtobus ź jarkim nadpisam MinskCityTour źjaviŭsia ŭ horadzie ŭsiaho niekalki miesiacaŭ tamu.Praź niezvyčajny dyzajn i madel transpart, pryznačany dla ahladnych ekskursij pa minskich słavutych miaścinach, sam paśpieŭ stać adnoj ź ich. Nakolki prybytkova arhanizoŭvać haradskija aŭtobusnyja tury?
«Napaŭnialnaść u śviatočnyja dni ŭ nas vielmi prystojnaja — zaniatyja praktyčna ŭsie miescy ŭ aŭtobusie. Nu, a ŭ siarednim — heta dzieści čałaviek 10–15 za rejs, heta značyć, prykładna 20% kvitkoŭ pradajecca», —kaža Dźmitryj Vaškievič, namieśnik dyrektara ahienctva
Čamu prajekt zastajecca nie nadta zapatrabavanym? Na dumku arhanizataraŭ, isnuje niekalki pryčyn.
sami biełarusy mała cikaviacca svajoj stalicaj. Miascovyja žychary vielmi redka kuplajuć kvitki na padobnyja ekskursii.
«Našy ludzi pryvykli dumać, što jany i tak dobra viedajuć horad, tamu 90% našych pasažyraŭ — heta rasiejcy. Dla ich Minsk — heta i blizka, i tanna. Jany pryjazdžajuć siudy, da svajakoŭ, a tyja kidajuć ich u aŭtobus, kab jany atrymali ŭjaŭleńnie ab horadzie», — raspaviadaje Dźmitryj Vaškievič.
nievialikaja papularnaść haradskich aŭtobusnych ekskursij źviazana z tym, što ŭ Minsk pryjazdžaje mała zamiežnikaŭ. Navat u paraŭnańni z susiednimi stalicami — Kijevam i Vilniaj.Jak praviła, turystaŭ adpałochvaje vizavy barjer. «Kali b my zrabili, jak va Ukrainie — dla hramadzian ES i ZŠA biaźvizavy ŭjezd, to strumień turystaŭ u nas by pavialičyŭsia. Tamu što vizavy barjer istotna tarmozić raźvićcio ŭjaznoha turyzmu. I sprava navat nie ŭ košcie, a ŭ pracedury afarmleńnia vizy, jakaja zajmaje šmat času», — adznačaje Dźmitryj Vaškievič.
Tym nie mienš, niahledziačy na nievialikuju naviedvalnaść, arhanizatary ličać, što ich prajekt akupicca. Bo sam aŭtobus nabyli ŭsiaho za 15 tysiač dołaraŭ. Tamu pry košcie kvitkoŭ 50–100 tysiač rubloŭ heta całkam realna.
Ciapier u ahienctvie zadumalisia ab kupli druhoha aŭtobusa MinskCityTour.
«My chočam pracavać jak paŭnavartasny
Zaraz MinskCityTour achoplivaje dva praśpiekty — Niezaležnaści i Pieramožcaŭ, spalny rajon Uschod i praktyčna ŭvieś centr, dzie zasiarodžana bolšaść słavutych abjektaŭ. U ahienctvie abiacajuć, što
sa źjaŭleńniem druhoha aŭtobusa zapracujuć i novyja maršruty pa Minsku.