BČ adkryła novy elektryfikavany ŭčastak Asipovičy — Babrujsk
Pieršy elektraciahnik užo pryjechaŭ ź Minska ŭ Babrujsk, u 17.00 jon vyjedzie z Babrujska ŭ Minsk. Z 6 krasavika elektraciahniki rehijanalnych linij jak biźnies-kłasa, tak i ekanom-kłasa pačnuć kursiravać štodnia.
Dziakujučy elektryfikacyi ŭčastka Asipovičy — Babrujsk, vykarystańni novaha ruchomaha sastavu ŭzraście jakaść absłuhoŭvańnia pasažyraŭ, pajezdki na hetym napramku stanuć bolš chutkimi i kamfortnymi. U biźnies-kłasie ź Minska da Babrujska možna budzie dajechać prykładna za 2 hadziny 20 chvilin bieź pierasadak i tolki z adnym prypynkam u Asipovičach.
Na ŭračystaj cyrymonii zdačy ŭ ekspłuatacyju elektryfikavanaha ŭčastka BČ prysutničaŭ ministr transpartu i kamunikacyj Anatol Sivak, načalnik BČ Uładzimir Marozaŭ, a taksama kiraŭnictva kitajskaj kampanii pa eksparcie i imparcie abstalavańnia.