У папулярнай гарбаце знайшлі цвіль
Санітарна-эпідэміялагічная служба Гомельскай вобласці выявіла ў продажы партыю чорнай гарбаты Greenfield Barberry Garden у пакеціках, у якой наяўнасць цвілі перавышала дапушчальныя нормы.
Прадукцыя вырабленая расійскай кампаніяй ТАА «Арымі». Саннагляд ужо прыняў меры, каб прадухіліць далейшую рэалізацыю партыі, якая не адпавядае патрабаванням бяспекі.
Праверкі працягваюцца, а гандлёвым арганізацыям рэкамендавана зняць гэтую прадукцыю з паліц да заканчэння экспертызы.