68‑гадовы вясковец правёў дзве ночы ў лесе, яго знайшлі выратавальнікі
Сёння ўдзень выратавальнікі знайшлі зніклага. Ён ляжаў на зямлі, абклаўшы сябе галінкамі елкі.
Паведамленне аб неабходнасці аказання дапамогі ў пошуках зніклага мужчыны пад Чэрвенем паступіла выратавальнікам 4 снежня ад супрацоўнікаў міліцыі, паведамляе МНС.
Высветлілася, што 68‑гадовы жыхар вёскі Глухое пайшоў у лес выгульваць сабак і з надыходам змяркання не вярнуўся дамоў.
Мужчыну шукалі больш за 150 чалавек з прыцягненнем 40 адзінак тэхнікі і 3 сабак, у тым ліку 58 работнікаў МНС, 20 адзінак тэхнікі і 3 сабакі.
Сёння ўдзень выратавальнікі знайшлі зніклага. Ён ляжаў на зямлі, абклаўшы сябе галінкамі елкі
Мужчыну перадалі медыцынскім работнікам.