Мінскі завод выпусціў маянэз з труфелем

Пра вытворчасць маянэзу з новым смакам ад Мінскага маргарынавага завода паведаміў Белдзяржхарчпрам.

Скрыншот з відэа

Прадукт будзе выпускацца пад брэндам «Залатая кропля«, а вытворца абяцае ў ім «высакародныя ноткі труфеля».

Сцвярджаецца, што гэты маянэз стаў першым у Беларусі, у які дадалі труфель. У выніку

«атрымаўся ўнікальны соус, які ператворыць нават самую простую вячэру ў рэстаранную страву — ад гарачай запечанай бульбы і стэйка да вытанчаных канапэ».

Абяцаюць, што навінка паступіць у гандлёвыя сеткі ўжо зусім хутка. Колькі яна будзе каштаваць, пакуль не паведамляецца.

Каментары да артыкула