Трамп за чатыры гадзіны апублікаваў больш за 160 пастоў
Прэзідэнт ЗША Дональд Трамп у панядзелак вечарам разгарнуў надзвычай актыўную дзейнасць у сваёй сацсетцы Truth Social. Паводле падлікаў выдання Daily Beast, за прыкладна чатыры гадзіны ён апублікаваў больш чым 160 пастоў.
Дональд Трамп. Фота: Anna Moneymaker / Getty Images
Большасць з гэтых паведамленняў складалі рэпосты пратрампаўскага кантэнту: матэрыялы тэлеканала Fox News, відэаблогера Бені Джонсана, а таксама радыёвядучага Алекса Джонса. Апошняга многія амерыканскія СМІ называюць «праварадыкальным», аднак ён сам гэта адмаўляе і характарызуе сябе як лібертарыянца.
У артыкуле адзначаецца:
«Больш за 160 пастоў у перыяд з 19:09 да 23:57… Прычым большасць былі апублікаваныя двойчы. У нейкі момант прэзідэнт размяшчаў больш за адзін пост у хвіліну».
Перад тым, як пачаць масавыя рэпосты, Трамп асабіста апублікаваў некалькі эмацыйных паведамленняў. Асабліва жорстка ён выказаўся на адрас сенатара Марка Келі з Арызоны — былога афіцэра ВМС і астранаўта NASA. Трамп назваў яго «здраднікам» пасля таго, як Келі разам з дэмакратамі запісаў відэазварот, у якім нагадваў вайскоўцам пра іх канстытуцыйны абавязак адмаўляцца ад незаконных загадаў.
Чытайце таксама:
Сёння Трамп зробіць заяву для прэсы
Трамп даў Мадура тыдзень, каб той пакінуў Венесуэлу
Перад сустрэчай з Уіткафам і Кушнерам Пуцін заявіў, што гатовы да вайны з Еўропай