80% сусветных запасаў рэдказямельных элементаў прыпадае на шэсць краін
Рэдказямельныя элементы (REEs) — ключ да сучасных тэхналогій. Яны выкарыстоўваюцца ў многіх сферах ад электраматораў і ветравых турбін да смартфонаў і навігацыйных сістэм. Па дадзеных U. S. Geological Survey, у 2025 годзе іх сусветныя запасы размеркаваны вельмі нераўнамерна, піша Thinktanks.pro.
Фота ілюстрацыйнае
Кітай з'яўляецца абсалютным лідарам па запасах рэдказямельных элементаў. Яны ацэньваюцца ў 44 мільёны тон — амаль палова сусветнага аб'ёму (48%).
На другім месцы — Бразілія з 21 мільёнам тон (23%), за ёй ідуць Індыя (6,9 мільёна тон), Аўстралія (5,7 мільёна тон), Расія (3,8 мільёна тон) і В'етнам (3,5 мільёна тон).
На гэтыя 6 краін прыпадае каля 80% усіх вядомых запасаў.
Запасы ЗША ацэньваюцца толькі ў 1,9 мільёна тон (2% сусветнага аб'ёму), што робіць краіну залежнай ад імпарту гэтай сыравіны. Улады ЗША актыўна падтрымліваюць развіццё здабычы і шукаюць партнёраў для дыверсіфікацыі паставак.
Цяпер з'яўляюцца новыя гульцы ў Афрыцы: Танзанія (0,89 мільёна тон) і ПАР (0,86 мільёна тон) могуць стаць важнымі крыніцамі пры развіцці інфраструктуры і перапрацоўкі.
Чытайце таксама:
Кітай атрымаў доступ да прамысловых сакрэтаў Германіі праз экспарт рэдказямельных металаў
Што гэта за рэдказямельныя металы, за якія Трамп раз'юшыўся на Кітай
Трамп хоча прапанаваць Пуціну за спыненне вайны рэдказямельныя мінералы
Лукашэнку прапанавалі здабываць рэдказямельныя элементы з прамысловых адкідаў