У Мінскай вобласці затрыманы падазраваны ў забойстве, здзейсненым 21 год таму
Супрацоўнікі крымінальнага вышуку Мінскай вобласці затрымалі мужчыну, падазраванага ў датычнасці да збіцця, якое пацягнула смерць жыхара Жодзіна. Злачынства было ўчынена яшчэ ў 2004 годзе.
Інцыдэнт адбыўся на глебе раптоўнага канфлікту. Група людзей збіла мясцовага жыхара: яму нанеслі шматлікія ўдары рукамі і нагамі па галаве і целе, пасля гэтага збеглі. Пацярпелы быў дастаўлены ў бальніцу, дзе памёр на наступны дзень. паведамляе абласная міліцыя.
Была заведзена крымінальная справа. Санкцыя артыкула прадугледжвае пакаранне тэрмінам да 15 гадоў пазбаўлення волі.