Дзяўчына з Эквадора здзівілася «беларускім тэхналогіям» пры сушэнні посуду
Эрыка родам з Эквадора і знаходзіцца ў стасунках з беларусам Дзмітрыем. На сваёй старонцы ў тыктоку дзяўчына часта дзеліцца назіраннямі пра беларускую культуру і быт, параўноўваючы іх з тым, што прывыкла бачыць у сябе на радзіме, піша BGMedia.
У адным з відэа яна паказала, як беларусы сушаць посуд пасля мыцця — і гэта яе шчыра здзівіла. Па словах Эрыкі, нічога падобнага яна не бачыла ні ў якой іншай краіне.
На кадрах відаць, як Дзмітрый ставіць посуд на сушку, убудаваную над ракавінай. Пад ёй — спецыяльны латок, у які сцякае вада і які можна лёгка выняць, каб яе выліць. Гэта дапамагае прадухіліць з’яўленне цвілі.
Калі Эрыка спытала, як называецца гэта зручная канструкцыя, хлопец з жартам адказаў, што гэта такая тэхналогія.
Многіх беларусаў павесяліла гэта відэа. Некаторыя адзначылі, што такую «тэхналогію» сапраўды мала дзе сустрэнеш, акрамя некаторых краін Усходняй Еўропы.
«У іншых месцах часцей сустрэнеш пасудамыечную машыну, дзе ўсё сохне адразу. Ці дробную сушку без латка».
«Тэхналогія сапраўды шалёная. Такога няма нідзе, толькі ў нас».
«У мяне такая ж рэч у Польшчы са старых гадоў».
Знайшліся і жарты на гэтую тэму:
«Што за брахня? Мы, славяне, заўсёды ставім патэльні ў духоўку (вядома, неразагрэтую)».
Чытайце таксама:
«Адзін мінус — тут я разлюбіў бульбу». Егіпцянін ажаніўся з беларускай і пераехаў у Брэст
«Дзеці крычалі ўслед: «Нігер-нігер…» Як жывецца ў Магілёве інтэрнацыянальнай пары