У М'янме вызвалілі больш за 2 тысячы палітарыштантаў
У М'янме вызвалілі 2296 затрыманых, уключаючы журналістаў і пратэстоўцаў — іх, па словах кіруючых Узброеных сіл, затрымалі нібыта за падбухторванне да ўдзелу ў пратэстах.
Пра гэта паведамляе Reuters са спасылкай на вайсковага прадстаўніка Заў Мін Туна.
У прыватнасці з турмы Інсейн у Янгоне вызвалілі 721 вязня.
Паведамляецца, што па стане на 30 чэрвеня рэжымам былі затрыманыя 6435 чалавек.