У Смаргонскім раёне настаўнік скраў у школьніка дарагі гадзіннік
Крымінальная справа за крадзеж распачата ў Смаргонскім раёне ў дачыненні да настаўніка адной з мясцовых школ.
Як паведамляе УУС Гродзенскага аблвыканкама, у канцы мінулага тыдня старшакласнікі займаліся фізічнай падрыхтоўкай у спартыўнай зале. Каб было зручна бегаць і скакаць, вучні пакінулі каштоўныя рэчы (гадзіннікі, крыжыкі, мабільныя тэлефоны) у інвентарным пакоі.
У канцы заняткаў адзін са школьнікаў забыўся там свой гадзіннік коштам каля 200 даляраў ЗША. Гэтым і скарыстаўся настаўнік, які пакінуў нятанны аксэсуар сабе. Супрацоўнікі міліцыі вярнулі выкрадзеную рэч уладальніку.
Як адзначаюць у УУС, крадзеж рэчаў настаўнікам у школьніка — «даволі рэдкі выпадак».