15 сакавіка прэм'ер-міністр Расеі мае наведаць Беларусь.
15 сакавіка прэм’ер-міністр Расеі мае наведаць Беларусь.
Напярэдадні візіту Уладзіміра Пуціна сваякі арыштаваных 19 снежня ў Менску кандыдатаў у прэзідэнты і іншых актывістаў звярнуліся да прэм’
«Прэм’
Пуціну
Сёння ў наш дом прыйшла бяда. Мы — маці, бацькі, жонкі і дзеці беларускіх палітвязняў. Нашыя родныя былі арыштаваныя ў Мінску 19 снежня 2010 года, калі выйшлі на плошчу, каб выказаць мірны пратэст фальсіфікацыям вынікаў прэзідэнцкіх выбараў у Беларусі. Сёння ўвесь свет, у тым ліку і Расея, асудзілі палітычнае свавольства і прававое бязмежжа, што здзяйсняецца беларускімі ўладамі.
Вы змаглі пераканацца на прыкладзе Вашых грамадзян, якія таксама патрапілі ў турмы пасля прэзідэнцкіх выбараў і былі асуджаныя, а таксама на прыкладзе расейскіх журналістаў, якія былі збітыя на мірнай дэманстрацыі сілавымі структурамі, што сабой уяўляе беларускі рэжым.
15 сакавіка Вы маеце намер наведаць Менск. У межах гэтага візіту не выключаная Ваша сустрэча з Аляксандрам Лукашэнкам.
Сёння беларускі дыктатар — ізгой ва ўсім цывілізаваным свеце. Праз вар’яцкія ў сваёй жорсткасці рэпрэсіі супраць яго ўвялі санкцыі Еўрасаюз і ЗША.
Як палітычнага лідара вялікай краіны мы заклікаем Вас распачаць рэальныя крокі, каб паспрыяць вызваленню беларускіх вязняў сумлення. Сёння не толькі мы, іх змучаныя сваякі, але і ўвесь свет з надзеяй глядзіць на Вас як на чалавека, які можа спыніць зладжаную Лукашэнкам расправу над палітычнымі супернікамі і прымусіць яго паважаць элементарныя правы чалавека.
Вы можаце ўмяшацца, каб выратаваць жыцці людзей і пацвердзіць, што Расея — гэта сапраўды сяброўская нам дзяржава, якая не можа заставацца ў баку, калі ў Беларусі пануе самавольства і беззаконне. А беларусы з падзякай ўспрымуць Вашую дапамогу ў вызваленні палітычных лідэраў».
Цяпер чытаюць
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4949
Каментары