Кошт вытворчасці пластыкавай упакоўкі збіраюцца павялічыць у два разы
У дзяржаўнай установе «Аператар другасных матэрыяльных рэсурсаў» лічаць, што гэта можа стаць эфектыўным спосабам барацьбы з праблемай назапашвання пластыку, піша агенцтва «Мінск-Навіны».
Святлана Мацкевіч, галоўная спецыялістка ўстановы па інфармацыйнай рабоце, тлумачыць, што мэта планаванага новаўвядзення — зрабіць вытворчасць упакоўкі, якая цяжка ці ўвогуле не перапрацоўваецца, эканамічна нявыгаднай для кампаній.
Таксама прапануецца скасаваць пэўныя льготы для тавараў, запакаваных у складаную і экалагічна небяспечную тару. Напрыклад, замест празрыстага пластыку для яек можна выкарыстоўваць кардон, а для малака, фруктовых пюрэ і аднаразовых кубкаў — альтэрнатывы кшталту тэтрапаку, бо перапрацоўка шматслойнай тары вельмі складаная і дарагая.
Спецыялістка адзначыла, што стымуляваць экалагічна правільны выбар трэба на ўсім ланцугу — ад вытворцы і пастаўшчыка да рытэйлера і спажыўца.
Па статыстыцы, 30-50% смецця чалавека складае менавіта шматслойная ўпакоўка. Яе жыццёвы цыкл — некалькі хвілін, але праблемы яна стварае на стагоддзі, бо пластык раскладаецца да 500 гадоў.
Святлана Мацкевіч таксама падкрэсліла: штогод у свеце вырабляюць больш за 460 мільёнаў тон пластыку, або каля 56 кілаграмаў на кожнага жыхара Зямлі. Агульная маса пластыку ўжо каля 8 гігатон, што перавышае масу ўсіх жывых істот (4 гігатоны). Другасная перапрацоўка можа дапамагчы, але бяда ў тым, што перапрацоўваецца толькі 10-20% матэрыялу.
У Беларусі колькасць палімераў у камунальных адкідах складае каля 418 тысяч тон штогод, з якіх толькі 273 тысяч тон можна вярнуць у вытворчасць. Астатняе перапрацаваць складана або немагчыма.
Пад Мінскам пачаў працаваць смеццеперапрацоўчы завод
Зараз у Мінску смецце трэба выкідаць па-новаму
Наколькі мы ад іх адстаём: як Капенгаген ператвараецца ў горад без выкідаў і як капенгагенцы інакш арганізуюць сваё жыццё
Замест трох — адзін. У Мінску хочуць спрасціць сістэму раздзельнага збору бытавога смецця
Насіць на Радаўніцу на могілкі пластыкавыя кветкі не варта. А чым іх можна замяніць?
Мікрапластык можа трапляць у мозг і выклікаць змены ў паводзінах — новае даследаванне
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары
У нас, по-другому не бывает.
Или пластик, из которого китайцы производят искусственные цветы. Запретить!