Мінская школьніца пачала распаўсюджваць наркотыкі 1 верасня, а ўжо на заўтра яе арыштавалі
Маленькая закладчыца атрымала 8 гадоў зняволення.
Суддзя Цэнтральнага раёна Мінска Таццяна Сергіенка расказала «Мінск-Навінам» пра адну з крымінальных спраў за распаўсюд наркотыкаў, прысуд па якой быў вынесены ў 2025 годзе.
«16-гадовая школьніца вырашыла прадэманстраваць сваю фінансавую незалежнасць і стала закладчыцай па прапанове адміністратара наркамаркета, які паабяцаў ёй заробак каля 50 даляраў на дзень. Дзяўчына выслала незнаёмцу свае асабістыя дадзеныя і фота. Далей па ўказанні куратара 1 верасня 2024 года яна забрала буйную партыю псіхатропу, расфасавала яго на не менш як 38 доз і расклала па тайніках. Частку забароненага рэчыва, якую не паспела расфасаваць, захоўвала па месцы жыхарства. На наступны дзень яго выявілі і канфіскавалі супрацоўнікі наркакантролю».
Папрацаваць закладчыцай школьніца паспела ўсяго два дні. У выніку яна была прызнана вінаватай у незаконных набыцці, перавозцы і захоўванні наркотыкаў у буйным памеры ў складзе арганізаванай групы. На падставе ч. 4 арт. 328 КК ёй прысудзілі 8 гадоў пазбаўлення волі.
Хутчэй за ўсё, тэрмін дзяўчыны скараціўся на год пасля сёлетняй амністыі.
Цяпер чытаюць
«А зможаце вылецець заўтра?» Джон Коўл расказаў, як піў з Лукашэнкам гарэлку, каб дамовіцца пра вызваленне палітвязняў8
Каментары
Почему не судят? Судят! Каждый год по несколько таких ловят и садят. По запросу в Гугл выдало сразу несколько случаев за 2023-2025 год и по Минску, и по Гомелю. Так что не нужно "передёргивать". Случаи есть, никто их не скрывает. Хотите - ознакомьтесь.