У Мінску студэнт скінуў з 8-га паверха крэсла і трапіў у прахожую. Што вырашыў суд?
У судзе Ленінскага раёна Мінска прайшло пасяджэнне па крымінальнай справе ў дачыненні да 21-гадовага студэнта. Хлопца абвінавачвалі ў здзяйсненні асабліва злоснага хуліганства — ён скінуў крэсла з восьмага паверха і трапіў у выпадковую жанчыну, паведамляюць Мінск-Навіны.
23 сакавіка кампанія маладых людзей распівала алкаголь у кватэры аднаго з дамоў на праспекце Ракасоўскага. Раніцай, калі ўсе сышлі спаць, хлопец разам з гаспадаром жылплошчы падняліся на восьмы паверх і выйшлі на агульны балкон.
Там абвінавачаны заўважыў драўлянае крэсла і кінуў уніз. Таварыш здымаў гэта на камеру мабільнага тэлефона. Паглядзеўшы ўніз, малады чалавек убачыў, што крэсла звалілася на мінака, пра што паведаміў таварышу, аднак той ніяк не адрэагаваў, і яны вярнуліся ў кватэру.
Пацярпелая спяшалася на працу і дастала з кішэні тэлефон, каб паглядзець час. Раптам яна адчула моцны ўдар у вобласці пляча, ад болю і шоку Жанчына выпусціла сумку і гаджэт — у яго разбіўся сэнсарны экран. На шчасце, сама грамадзянка сур'ёзных траўмаў не атрымала.
Праз некалькі дзён хулігана затрымалі ў інтэрнаце, распачалі крымінальную справу і ўзялі пад варту. Першапачаткова віну малады чалавек не прызнаваў.
Падчас апошняга слова ён сказаў, што шчыра раскаяўся ў зробленым, прынёс прабачэнні пацярпелай і прасіў суд строга яго не караць.
У выніку суд пакараў яго трыма з паловаю гадамі хатняй хіміі. Акрамя таго, абвінавачаны на карысць пацярпелай павінен выплаціць 1 000 рублёў у кошт кампенсацыі маральнай шкоды, нанесенай злачынствам.
Цяпер чытаюць
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4949
Каментары
Павінна быць адэкватная грыўна на карысьць пашкадаванаетжанчыны. я ня ведаю памеру выцятасьці рамёна, страляю, што ня меней як тысячаў 10-20 даляраў.
А не кабета нейкіх інспэктароў нагляду, каб ў хаце седзеў вечарамі мусіць аплаціць.
І, пачытаў камэнтары, гэта жудасная, як людзі закутыя ў парадыгме карнага прынцыпу судоў (ў процілежнасьць кампэнсацыйнаму).