«Манчэстэр Юнайтэд» устанавіў унікальны рэкорд у Англійскай прэм'ер-лізе
Учора Манчэстэр Юнайтэд разграміў у гасцях «Эвертан» з лікам 3:0, але не гэта галоўнае.
Пасля гэтай перамогі «Манчэстэр Юнайтэд» стаў першым клубам у Англійскай прэм'ер-лізе, які правёў 500 сухіх матчаў у Лізе (з 1992 года), паведаміў у сацсетцы X Squawka.
На другім месцы па гэтым паказчыку знаходзіцца «Чэлсі» (476). Трэцяе месца займае «Ліверпуль» (460), у «Арсенала» — 456, «Эвертана» — 361, «МанСіці» — 351.
Сярод варатароў у гэты час былі Петэр Шмейхель, Фаб'ен Бартэз, Эдвін ван дэр Сар, Дэвід дэ Хеа, зараз у варотах Андрэ Анана.
Пасля 13 тураў «Манчэстэр Юнайтэд» займае шостае месца ў турнірнай табліцы з 24 баламі. Пераможная серыя каманды ў АПЛ складае тры матчы.
У наступным туры «Манчэстэр Юнайтэд» сустрэнецца з «Ньюкаслам» 2 снежня (23:00 па мінскім часе).
Каментары