У найбліжэйшы час будуць звольненыя яшчэ 28 службовых асоб Службы бяспекі Украіны. Пра гэта паведаміў прэзідэнт Украіны Уладзімір Зяленскі падчас традыцыйнага вячэрняга звароту.
«І яшчэ адна важная навіна пра Службу бяспекі Украіны. Адбываецца кадравая рэвізія службы. Вырашаецца пытанне аб звальненні дваццаці васьмі службовых асоб. Розны ўзровень, розныя напрамкі. Але падставы падобныя — нездавальняючыя вынікі працы», — заявіў Зяленскі.
Таксама ён падзякаваў усім, хто дакладна і эфектыўна служыць дзяржаве, кожнаму і кожнай, хто эфектыўна абараняе інтарэсы на сваім узроўні.
Напярэдадні Зяленскі адхіліў ад пасады кіраўніка СБУ Івана Баканава і прызначыў у гэтую службу часовага кіраўніка. А 18 ліпеня ён унёс у Вярхоўную Раду прадстаўленне аб звальненні Івана Баканова з пасады кіраўніка Службы бяспекі Украіны.
Каментары