Аляксандр Лукашэнка не мог даваць абяцанняў адносна канстытуцыйнай рэформы расійскаму калегу Уладзіміру Пуціну, паколькі гэта ўнутраная справа Беларусі. Лукашэнка толькі інфармаваў расійскага лідара аб далейшых планах, паведаміў журналістам у панядзелак прэс-сакратар прэзідэнта РФ Дзмітрый Пяскоў, піша ТАСС.
«У іх (кіраўнікоў РФ і Беларусі) былі абмеркаванні. Там гаворка ідзе не пра абяцанні, гаворка ідзе пра тое, што прэзідэнт Лукашэнка інфармаваў прэзідэнта Пуціна аб далейшых планах, у тым ліку і планах па канстытуцыйнай рэформе», — адзначыў прадстаўнік Крамля.
Ён падкрэсліў,што «тут не можа ісці гаворкі пра тое, каб хтосьці камусьці нешта абяцаў».
«Гэта ўнутраная справа Беларусі», — растлумачыў Пяскоў.
19 сакавіка Лукашэнка заявіў, што ў размовах з Пуціным не даваў абяцанняў адносна канстытуцыйнай рэформы, гэтую тэму яны абмяркоўвалі толькі ў агульных рысах.
Цяпер чытаюць
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4848
Каментары