17 снежня ў «Акадэмкнізе» прэзентуюць «Партрэты Паўстання» і іншыя кнігі Язэпа Янушкевіча
Кнігарня «Акадэмічная кніга» (пр.Незалежнасці, 72). Пачатак а 18.30.
17 снежня ў «Акадэмкнізе» — прэзентацыя паўдзесятка кніг, аўтарам і ўкладальнікам якіх з’яўляюцца Язэп і Каміла Янушкевічы.
Аўтары прэзентуюць два выданні, прысвечаныя Станіславу Манюшку, 200-годдзе якога адзначалася сёлета.
Гэта пераклад з польскай мовы нарыса Аляксандра Валіцкага «Станіслаў Манюшка», зроблены Янушкевічамі.
А таксама зборнік матэрыялаў «Літоўскі Пеўнік, або Мой Манюшка», укладзены Янушкевічам.
Выкліча цікавасць і фотаальбом «Партрэты Паўстаньня 1863—1865». Гэта галерэя з 280 фота ўдзельнікаў паўстання Каліноўскага.
Ёсць і кніга пра самога Начальніка Паўстання: эсэ «І першым паказаўся Каліноўскі», выдадзенае да перапахавання ў Вільні парэшткаў 20 паўстанцаў.
Таксама ў часе прэзентацыі Янушкевічы раскажуць пра 100-ы том залатой біблятэкі «Беларускі Кнігазбор», прысвечаны Дуніну Марцінкевічу. Уклаў кніжку Язэп Янушкевіч.
Гэтыя, а таксама іншыя новыя выданні і бестселеры можна набыць у кнігарні «Акадэмічная кніга» (пр. Незалежнасці, 72).
Цяпер чытаюць
Памятаеце немаладога актывіста, які па дурасці зняўся ў прапагандысцкім кіно БТ? У Польшчы ён уляпаўся яшчэ і ў шпіянаж3
Каментары